miércoles, 2 de enero de 2013

Cabalgata Reyes Magos Santiago enero 2013

Recorrido y horarios cabalgata Reyes Magos Santiago de Compostela 2013
 
Ya quedan pocas horas para que los Reyes Magos llegan a la Capital de Galicia cargados de regalos
 
Os Reis Magos chegarán ás 17:35 horas á estación do tren, onde serán recibidos polo carteiro real e pola Banda Municipal. Ás 18:00 horas iniciarase a Cabalgata, que seguirá o percorrido habitual: Santiago de Chile, Frei Rosendo Salvado, praza Roxa, República do Salvador, Hórreo, praza de Galicia, Senra, Porta Faxeira, rúa do Vilar, Xelmírez, Praterías e praza do Obradoiro.

A Banda de Cornetas e Tambores de Santiago anunciará a chegada das carrozas. Xunto ás carrozas dos Reis Magos percorrerán as rúas a carroza da estrela real de Oriente, a do castelo e a do carteiro real. As comitivas de Melchor, Gaspar e Baltasar estarán encabezadas por escuadróns de cabalos e rodeadas de heraldos. En total, haberá máis de 100 figurantes, aos que se unirán tamén uns 120 nenos e nenas máis que irán a bordo de dous trens.

As Súas Maxestades chegarán en torno ás 19:00 horas á praza do Obradoiro. Alí serán recibidas polo alcalde, Ángel Currás, e a Corporación. Dende os balcóns de Raxoi, saudarán os rapaces, para logo recibilos, un a un, no salón vermello.

Mentres agardan para formularlle as súas peticións aos Reis Magos, os nenos e nenas poderán disfrutar do espectáculo de Mamá Cabra Xa me tardan estes Magos.

Francisco Noya lembrou que este ano se repartirán 3.500 quilos de caramelos sen glute. O orzamento para esta Cabalgata de Reis son 53.245 euros. Neste sentido, o concelleiro indicou que é un 8% inferior ao da anterior edición, sumada a rebaixa do 5% e a repercusión da suba do IVE.

A previsión meteorolóxica é favorable para esta xornada, o cal agradeceu o edil, xa que permitirá que se reflicta en todo o seu esplendor unha montaxe que, dixo, require moito traballo.
 
Información completa : Concello Santiago