lunes, 30 de enero de 2017

Entroido Xenerais da Ulla 2017

Entroido Xenerais da Ulla 2017, entroido rural tradicional

A comarca natural da Ulla posúe un orixinal entroido rural do que temos testemuños dende mediados do século XIX e que é un dos máis espectaculares dos que se celebran en Galicia.

Os personaxes máis importates son os xenerais e correos a cabalo, que percorren as parroquias ao longo do día dando vivas a veciños e visitantes, acompañados dun “exército” de abandeirados, coros, comparsas e parrandas.

Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.

Dunha parroquia a outra o Entroido da Ulla presenta pequenas diferenzas, mantendo cada un deles trazos definitorios que os fan únicos.

Xenerais e correos engalanados conforman a espectacularidade desta auténtica expresión do entroido tradicional galego.

Este ano podemos disfrutalo entre os días 11 de febreiro o 5 de marzo.