Igrexa de Labacengos (s.XVI) : Moeche
Na última restauración, a finais do s. XX promovida pola Asociación de Mulleres Rurais de Labacengos, recuperánronse os frescos barrocos que ainda se conservaban. Conta, tamén, cunha antiga pía bautismal. Na mesma parroquia atópase a capela de San Xiao dos Ósos, da que temos referencia dende o século XIII como cesión ao Mosteiro ourensán de Oseira. No século XV sabemos que foi un importante centro de peregrinación. Dentro desta capela podemos ver dous sartegos antropomorfos da época baixomedieval, mais non é posible concretar a súa cronoloxía de forma exacta.
