Festas do Cristo 2018, Desde o 25-08-2018 Ata o 01-09-2018 .
Dende o 25 de agosto ao 1 de setembro celebraranse as Festas do Cristo no Concello de Cangas. Nesta nova edición contaremos cun amplo abano de actividades deportivas, pasarrúas, espectáculos musicais, fogos de artificio etc.
O pregón correrá a cargo de Xosé Henrique Rivadulla Corcón, personaxe adicado ao mundo audiovisual, guionista e locutor para varias cadeas, así como director teatral e colaborador de varios xornais.
Podemos destacar tamén actuacións coma a de Treixadura (luns 27), Burning (martes 28), Balea´s Blues (mércores 29), De Vacas (xoves 30), entre outros. Ademais haberá un programa específico de actividades infantís, que podedes ver máis abaixo.
Moitos días de festa e diversión nos que se prega especial respecto e civismo entre todos os presentes, motivo polo que se instalará o “Punto Lila”, da man da Asociación Púrpura, co obxectivo de denunciar e previr calquera tipo de agresión.